Бэлдмэлийг хооллох үед хамт хэрэглэнэ. Насанд хүрэгчдэд: 1мг тунгаар өдөрт хоёр (өглөө, орой) удаа ууж эхлүүлнэ. Өвчтөнд тайвшруулах нөлөө үзүүлэх тул эхний долоо хоног тунг аажим нэмэгдүүлнэ. Оройд нэг удаа 1мг тунгаар эхлэн эмчилгээний 5 хоногт хоногийн нийт тунд хүрнэ. Шаардлагатай бол хоногийн тунг 4мг (4 шахмал) хүртэл нэмэгдүүлэн хуваан хоёр удаа ууна. Өндөр тунгаар хэрэглэвэл та хурдан үр дүнг үзэх болно. 3-с дээш насны хүүхдэд: 1мг тунгаар өдөрт хоёр (өглөө, орой) удаа ууж эхлүүлнэ. Фармакокинетикийн судалгаанд хүүхдэд кетотифений хувирал маш хурдан явагдаж байсан тул хүүхдэд шаардлагатай бол өндөр тунгаар оновчтой үр дүнд хүрэхийн тулд биеийн кг жинд тооцох нь зүйтэй. Энэ нөхцөлд тунгийн хүлцэл сайн байдаг. Гуурсан хоолой тэлэх эмүүдтэй хамт хэрэглэх: кетотифений хэрэглээний үед гуурсан хоолой тэлэх эмүүдийн хэрэглээний давтамжийг бууруулж болно. Өндөр настай хүмүүсийн хэрэглээ: кетотифенийг өндөр настанд хэрэглэхэд тунгийн тохируулга шаардлагагүй. Эмчилгээний үргэлжлэх хугацаа: Кетотифений эмчилгээний бүрэн нөлөөг үзүүлэхэд цөөн долоо хоног шаардагдана. Хэрэв өвчтөнд кетотифений хэрэглээний үеийн урвал илрэхгүй бол цааш 2-3 сараас багагүй хугацаанд хэрэглээг үргэлжлүүлнэ. 2-4 долоо хоногт кетотифений хэрэглээг зогсоох ба энэ үед харшлын шинж тэмдэг сэдэрч болно.
